Այսօր «The Beatles»-ի համաշխարհային օրն է

● Աշխարհ

16.01.2017 ● 16:50

Այսօր «The Beatles»-ի համաշխարհային օրն է

Սկսած 2001 թվականից՝ ՅՈՒՆԵՍԿՕ-ն հունվարի 16-ը նշում է որպես «Բիթլզի» համաշխարհային օր:

«Բիթլզ» (The Beatles) բրիտանական աշխարհահռչակ ռոք-խումբը ստեղծվել է 1960թվականին: Լեգենդար խմբի անդամներն էին Ջոն Լենոնը (ռիթմ-կիթառ, սոլո-կիթառ, բաս-կիթառ, ստեղնաշար, փողային գործիքներ, հարվածային գործիքներ, վոկալ), Փոլ Մաքքարթնին (բաս-կիթառ, ստեղնաշար, հարվածային գործիքներ, կիթառ, վոկալ), Ջորջ Հարրիսոնը (սոլո-կիթառ, ռիթմ-կիթառ, սիթառ, ստեղնաշար, հարվածային գործիքներ, վոկալ) և Ռինգո Սթարը (հարվածային գործիքներ, ստեղնաշար, վոկալ):

Ինչպես նաև տարբեր ժամանակներում խմբի կազմում են եղել Փիթ Բեստը (հարվածային գործիքներ, վոկալ), Ստյուարտ Սատկլիֆը (բաս-կիթառ, վոկալ) և Ջիմի Նիկոլը (հարվածային գործիքներ): 1950-ականներին սկսելով հետևել ամերիկյան դասական ռոք-ն-ռոլին՝ «Բիթլզը» եկավ իր սեփական ոճին և հնչողությանը:

«Բիթլզը» զգալի ազդեցություն ունեցավ ռոք երաժշտությանը և մասնագետների կողմից ճանաչվել է որպես 20-րդ դարի ամենահաջող խմբերից մեկը ինչպես ստեղծագործական, այնպես էլ կոմերցիոն առումով: Շատ ռոք երաժիշտներ խոստովանում են, որ դարձել են այդպիսին «Բիթլզի» երգերի ազդեցությամբ: Խումբը համաշխարհային ճանաչում ստացավ 1963 թվականին` «Please Please Me/Ask Me Why» սինգլի թողարկումից հետո և իր ստեղծարարությամբ սկիզբ դրեց գլոբալ մի երևույթի՝ «բիթլմանիա» անունով: Քառյակը դարձավ բրիտանական առաջին խումբը, որի ձայնասկավառակները մեծ ճանաչում ձեռք բերեցին ԱՄՆ-ում և գրավեցին առաջին հորիզոնականները: Խմբի երաժիշտներին, իրենց պրոդյուսերին և ձայնային ռեժիսոր Ջորջ Մարտինին են պատկանում ձայնագրության բնագավառի նորարարություններ՝ տարբեր ոճերի համադրությունը, այդ թվում՝ սիմֆոնիկ և փսիխոդելիկ երաժշտությունը, ինչպես նաև տեսահոլովակների նկարահանումը։

«Բիթլզի» ստեղծագործությունների մեծամասնությունը ստեղծված են համահեղինակային ու ստորագրված Ջոն Լենոնի և Փոլ Մաքքարթնիի անուններով: «Rolling Stone 500» ցուցակում առաջին տեղը զբաղեցնում է «Sgt. Pepper’s Lonely Hearts Club Band» ալբոմը (և ևս չորս ալբոմ առաջին տասնյակում): «The Beatles» ալբոմը ԱՄՆ-ում 19 անգամ ճանաչվեց պլատինե: Խումբը նվաճել է 7Գրեմմի մրցանակ: «Let it Be» ֆիլմը ստացավ երկու «Օսկար» մրցանակ: Խմբի չորս անդամներն էլ, ի նշան երկրի առաջ իրենց արժանիքի, պարգևատրվել են Բրիտանական կայսրության շքանշանով։ Ըստ «Rolling Stone» ամսագրի՝ «Բիթլզը» «բոլոր ժամանակների 50 լավագույն կատարողների»ցուցակում զբաղեցնում է առաջին տեղը։

«Բիթլզի» անդամները դադարեցրին իրենց համատեղ աշխատանքը 1970 թվականին, չնայած դեռ 1967-ին Փոլը և Ջոնը շոուբիզնեսում կատարում էին սեփական նախագծերը: Իսկ արդեն խմբի լուծարումից հետո խմբի անդամներից յուրաքանչյուրը շարունակեց իր սոլո կարիերան: 1980թվականին սեփական տան մոտ սպանվեց Ջոն Լենոնը, 2001-ին քաղցկեղից մահացավ Ջորջ Հարրիսոնը: Փոլ Մաքքարթնին և Ռինգո Սթարը շարունակում են ստեղծագործել:

7or.am

● Այս խորագրի վերջին նյութերը

Լարված իրավիճակ Աբխազիայի խորհրդարանի մոտ. ցուցարարները փորձում են ներխուժել շենք (տեսանյութ)

15.11.2024 ● 17:07

Որոշ տեղերում ցուցարարները ճեղքել են պարիսպը և հայտնվել շենքի դիմաց գտնվող հրապարակում։

Վերին Լարսի անցակետի մոտ շուրջ 600 հայկական բեռնատար է կուտակվել

15.11.2024 ● 10:04

Վերին Լարսի անցակետի մոտ սահմանը հատելուն սպասող տրանսպորտային միջոցների մեկ երրորդը հայկական բեռնատարներն են։

Ադրբեջանը և Թուրքիան համատեղ ռազմածովային զորավարժություններ կանցկացնեն

14.11.2024 ● 15:38

Զորավարժությունները տեղի կունենան նոյեմբերի 18-ից 29-ը Միջերկրական ծովում՝ Մուղլա նահանգի Ակսազ շրջանի ափերի մոտ։

Ավստրալիայում ծաղկել է հազվագյուտ «դիակի ծաղիկը». այն տեսնելու համար հերթեր են գոյացել (տեսանյութ)

12.11.2024 ● 18:49

Իր սարսափելի գարշահոտության պատճառով այն ստացել է «դիակի ծաղիկ» անվանումը։

Չինաստանում բազմության մեջ մեքենայի մխրճվելու հետևանքով 35 մարդ է զոհվել

12.11.2024 ● 17:51

62-ամյա վարորդը փորձել է փախչել դեպքի վայրից, բայց ձերբակալվել է ոստիկանների կողմից։

Այսօր Թոքաբորբի դեմ պայքարի համաշխարհային օրն է

12.11.2024 ● 08:21

Հիվանդությունը կարելի է կանխել բավականին պարզ միջոցառումներով, օրինակ՝ իմունիզացիայի և լավ սնվելու միջոցով:

Հայաստանը կարող է այնպես խաղալ, որ ընդհանրապես մնա առանց էլեկտրաէներգիայի․ Անդրեյ Լիստովսկի (տեսանյութ)

Իրենց թայֆի, ոհմակի մասին են մենակ մտածում. ուղեվարձի եռակի բարձրացումը հունից հանում է երևանցիներին (տեսանյութ)

Հայկական ֆուտբոլը նույն խայտառակ վիճակում է հայտնվել, ինչ Հայաստան պետությունը․ Անդրանիկ Թևանյան

● Աշխարհ