Ընդամենը օրեր առաջ թևակոխեցինք նոր 2017թ.՝ հետևում թողնելով անցյալ տարվա բոլոր իրադարձությունները։ Հրե աքաղաղի տարին խոստանում է լինել հիշարժան և հաջողակ։ Ի՞նչ արժե սպասել նրանից։ ELLE–ն կանխատեսումներ է ներկայացրել 2017–ի համար։

Եթե դուք երազում եք լռության և հանգստության մասին, ապա պետք է հիասթափեցնենք ձեզ. Նոր տարին լինելու է բավականին բուռն։ Ակտիվ և համարձակ մարդկանց համար իսկական ժամանակն է նոր և հետաքրքիր նախագծեր առաջ քաշելու համար։

2017–ը բերելու է եռանդուն տրամադրություն, ուժեղ էներգիա և դրական լիցքեր։ Հարկ է հիշել, որ Հրե աքաղաղն օգնելու և աջակցելու է համարձակ և նպատակասլաց մարդկանց, ովքեր իրենց բնույթով «առաջնորդներ» են։

Ֆինանսական կարգավիճակ

2017–ին անհրաժեշտ է ամենայն ուշադրությամբ վերաբերվել գումարին և չվատնել այն անտեղի։ Առաջին կիսամյակում խորհուրդ չի տրվում կնքել ռիսկային ֆինանսական գործարքներ։ Դրանք կարող են բարդություններ առաջացնել հետագայի համար։ Ավելի հանգիստ և կայուն իրավիճակ է սպասվում աշնանը։ Այդ ժամանակ խրախուսվում են ներդրումներն ու խոշոր գնումները։ Աշխատեք մեծ գումարներ չվերցնել պարտքով։ Հաջողությունը կայցելի գործարարներին և այն մարդկանց, ովքեր վճռական քայլեր կձեռնարկեն։

Կարիերա

Նրանց համար, ովքեր կառուցում են կարիերա, տարին հաջողակ է լինելու։ Հատկապես գործնական և անձնական հարաբերություններ հաստատելու հարցում։ Կարելի է նոր մասնագիտություն ձեռք բերել և հասնել մեծ բարձունքների այդ բնագավառում։ Կարող եք փոխել աշխատավայրը։ Ամեն ինչ կգօրծի հօգուտ. կարևորը սեփական ուժերին հավատալն է։ Անհրաժեշտ է ուշադիր լինել գործընկերների հետ շփման հարցում։ Մի՛ վստահեք նրանց այնպես, կարծես նրանք ձեր ընկերներն են։

Հարաբերություններ

Հարաբերությունների հարցում տարին բավականին հետաքրքիր և հեռանկարային է լինելու։ Եթե նախկինում ձեր ճանապարհին արժանի զուգընկերներ չէին հանդիպում, ապա այս տարի դուք նրանց անպայման կհանդիպեք։ Ակա՛նջ դրեք ձեր սրտին. այն կօգնի ձեզ ճիշտ ընտրություն կատարել։

7or.am