«Հանրապետություն» կուսակցության քաղխորհրդի անդամ Սուրեն Սուրենյանցը «7օր»-ի հետ զրույցում ասել, է թե արդեն մի քանի տարի է, որ Ամանորը դիմավորելու ավանդույթ է իրենց մոտ ձևավորվել։

-Վազգեն Սարգսյանի մտերիմ մարդկանցով, ընտանիքի անդամների հետ դեկտեմբերի 31-ի գիշերը դիմավորում ենք Եռաբլուրում։ Իսկ  պարոն Արամ Սարգսյանի Նոր տարին շնորհավորում եմ ամսի 1-ի երեկոյան, երբ ժամանում եմ Արարատ։ Շնորհավորում եմ Գրետա մայրիկի Ամանորը, բավական երկար նստում ենք,  հիշում Վազգենին, պետության դժվար տարիները, հաղթանակները։ Անշուշտ, խմում ենք կենացներ, մի խոսքով, բավական բովանդակալից օր ենք անցկացնում,-ասել է նա։

Այն հարցին, թե այս տարի ինչպե՞ս է շնորհավորելու Լևոն Տեր-Պետրոսյանի Ամանորը, նա պատասխանել է, թե ձևը կգտնի շնորհավորելու։

-Հավանաբար զանգի միջոցով։ Ես Նոր տարուն առանձնապես չեմ սիրում շատ այցելություններ անել,-ասել է Սուրեն Սուրենյանցը։

7or.am