Ռուսաստանում Հայաստանի դեսպան Արմեն Սմբատյանն ազատվել է աշխատանքից։ Ըստ լուրերի` այդ պաշտոնում նրան  փոխարինելու է Օլեգ Եսայանը, ով 1992թ. հունվարի 8-ից մինչև 1992թ. օգոստոս եղել է ԼՂՀ վարչապետ, իսկ 2006թ. նշանակվել է Բելառուսում ՀՀ արտակարգ և լիազոր դեսպան։

Տեղեկությունը պաշտոնապես ճշտելու և փոխարինման պատճառներն իմանալու համար «7օր»-ը դիմել է ՀՀ նախագահի մամուլի ծառայություն, որտեղ հաստատել են, որ Արմեն Սմբատյանն անցնելու է այլ պաշտոնի, իսկ նախագահի համապատասխան հրամանագրի առկայության դեպքում լրատվական ծառայությունը մանրամասների մասին օպերատիվորեն կտեղեկացնի լրատվության միջոցներին և  հասարակայնությանը։

Հիշեցնենք, որ վերջին շրջանում Արմեն Սմբատյանը Ռուսաստանում Ադրբեջանի դեսպան Փոլադ Բյուլբյուլօղլուի հետ միասին բավականին ակտիվ կազմակերպչական աշխտանքներ էր իրականացնում Երևանում, Ստեփանակերտում և Բաքվում հայ և ադրբեջանցի մշակութային գործիչների հանդիպման գործում։

7or.am