Վաստակավոր դերասան Ազատ Գասպարյանը «7օր»-ի հետ զրույցում ամփոփելով 2009թ.-ն՝ որպես ամենակարևոր ձեռքբերում է նշել հայ-թուրքական հարաբերությունների կարգավորման գործընթացը։

-Ես կասեի՝ ամենակարևոր իրադարձությունը հայ-թուրքական հարաբերությունների մեջ առաջխաղացումն է։ Այսինքն, դիվանագիտական սայլը տեղից շարժվեց, և հուսանք, որ պիտի հաջողություն ունենա, եթե մենք ամեն օր հետևողական լինենք մեր դիվանագիտությամբ։ Կորուստներ ունեցանք անձնավորված. այս տարի շատ մահեր եղան։ Տնտեսության մեջ ձեռքբերումները մի քիչ շատ չեն։ Քաղաքաշինության, քաղաքի ձևավորման մեջ ձեռքբերումներ ունեցանք։ Ձեռքբերումներն ու բացթողումները երբ գումարում ես, «պլյուսով» ես դուրս գալիս, մանավանդ մեր սպորտային ձեռքբերումների առումով,-ասել է նա։

Նրա խոսքերով՝ մեծ բան է մարդկանց դրական էմոցիաներ հաղորդելը։ Իսկ Ձմեռ պապից Ազատ Գասպարյանը միաբանություն է խնդրել։

-Ձմեռ պապը թող Հայաստանին միաբանություն բերի, միաբանություն, միաբանություն, միաբանություն. ուրիշ ոչ մի բան չեմ ուզում,-ասել է նա։

7or.am