Օրերս լույս է տեսել «Արքայազն Հարրին Աֆրիկայում» փաստավավերագրական ֆիլմը, որտեղ արքայադուստր Դիանայի և արքայազն Չարլզի կրտսեր որդին ոչ միայն ճամփորդում է աֆրիկյան մայրցամաքով՝ բարեգործական առաքելությամբ, այլ նաև առաջին անգամ անկեղծորեն պատմում է այն մասին, թե ինչպես է հաղթահարել մոր կորուստը։

«Իրականում ես այդպես էլ չկարողացա հաղթահարել այն, ինչ տեղի ունեցավ։ Սակայն ես շատ էի ուզում, որպեսզի մայրիկս հպարտանար ինձնով, այդ պատճառով էլ որոշեցի շարունակել նրա գործը։ Ես պետք է մի բանով զբաղվեի։ Ես երեխա էի, երբ նա մահացավ, և ես երկար ժամանակ մնացել էի այդ վշտի մեջ։ Իսկ այժմ ես տեսնում եմ տարբերությունը «ես՝ առաջ»–վա և «ես՝ այժմ»–ի միջև»,– մոր մահից 20 տարի անց 32–ամյա Հարիի հարցազրույցը հուզել է ամբողջ աշխարհին։

Համացանցում հայտնվել են բազմաթիվ արխիվային լուսանկարներ՝ արքայադուստր Դիանայի ժամանակներից մինչև հիմա, որոնք անհնար է նայել առանց հուզմունքի։ ELLE–ն ներկայացրել է բրիտանական թագավորական ընտանիքի տարբեր ժամանակների լուսանկարները։

7or.am