Երբեմն նկարին ընդամենը մեկ հայացք գցելուց հետո կարելի է վերապրել ուժեղ զգացողություններ և իսկական վախ։ Դա բացատրվում է նրանով, որ նկարիչները ներդրել են որոշակի էներգիա իրենց աշխատանքների մեջ։ Որքան տղանադավոր է նկարիչը, այնքան ավելի շատ ուժ կարող է փոխանցել նրա ստեղծագործությանը։

«AdMe.ru»–ն ներկայացրել է հենց այդպիսի «չարաբաստիկ» նկարների շարք, որոնք օժտված են ուժեղ և անբացատրելի գեղարվեստական ուժով։

«Այզելուորտյան Մոննա Լիզա»

Աշխարհահռչակ Լուվրի այցելուների 90%–ը գալիս է թանգարան, որպեսզի տեսնի աշխարհի ամենաառեղծվածային նկարը՝ Լեգենդար «Մոննա Լիզան»։ Մինչ օրս նկարի շուրջ պտտվում են բազմաթիվ չբացահայտված գաղտնիքներ։ Սակայն քչերը գիտեն, որ գոյություն ունի «Ջոկոնդայի» ևս մեկ տարբերակ՝ «Այզելուորտյան Մոննա Լիզան», որը, ամենայն հավանականությամբ, ևս պատկանել է Լեոնդարդո դա Վինչիի վրձնին և նկարված է եղել ավելի շուտ, կամ այն իրոք ներկայացրել է նկարի բնօրինակը, իսկ բոլորին հայտնի տարբերակը նկարվել է 20 տարի անց նկարչի արհեստանոցում։ Այս նկարը գտնվել է ավելի քան մեկ դար առաջ Մադրիդում։ Հնարավոր է, որ մի օր «Այզելուորտյան Մոննա Լիզան» օգնի բացահայտել հայտնի «Ջոկոնդայի» գաղտնիքը։

«Փոստային դիլիժանս»

Այս աշխատանքը նկարվել է նկարչուհի Լաուրա Պ–ի կողմից՝ լուսանկարներով։ Ընդ որում, լուսանկարների հեղինակ Ջեյմս Քիդը պնդում է, որ ձախ կողմի վրա կանգնած և ոչ մի մարդու նա չի լուսանկարել։ Նա պատահականորեն հայտնվել է լուսանկարները հանելու ընթացքում։ Վերջնական աշխատանքը նկարչուհին կախել է գրասենյակում, սակայն նրան խնդրել են անմիջապես այնտեղից հանել նկարը։ Նկարի հայտնվելուն պես տարածքում կարծես ի հայտ է եկել «աղմկոտ հոգի», իսկ ինքը նկարը միշտ ծուռ էր կախված, չնայած նրան, որ այն անընդհատ ուղղում էին։ Այնուհետև պատմությունը կրկնվել է և այլ տներում, որոնք «որդեգրել» էին նկարը։ Վերջիվերջո, ստիպված են եղել այն այրել։

«Լացող տղան»

Գոյություն ունի լացող երեխաների նկարների մի ամբողջ շարք, որոնք նկարվել են իտալացի նկարիչ Բրունո Ամադիոյի կողմից։ Դրանք 65 որբ երեխաների դիմանկարներն են, որոնք նկարիչը վաճառել է զբոսաշրջիկներին Երկրորդ համաշխարհային պատերազմից հետո։ Այդ շարքի ամենահայտնի նկարը «Լացող տղան» է, որը պաշտոնապես անիծված է ճանաչվել Անգլիայի մի քանի շրջաններում։ Համաձայն լեգենդի՝ նկարի հեղինակը տղայի առջև լուցկի է վառել, որպեսզի վերջինս լաց լինի։ Դրանից հետո այդ նկարի վերարտադրությունները Անգլիայի ողջ տարածքում 50 հրդեհի պատճառ են դարձել։

«Վեներան հայելու դիմաց»

Դիեգո դե Սիլվա Վելասկեսի «Վեներան հայելու դիմաց» նկարն ինքնին գաղտնիք է։ Արվեստագետները փորձում են հասկանալ, թե ինչու է այդքան գեղեցիկ և երիտասարդ աստվածուհու արտացոլանքը հայելու մեջ պատկերված բավականին ծեր կնոջ տեսքով։ Ի՞նչ է նկատի ունեցել հեղինակը։

Բացի այդ գաղտնիքից՝ նկարին վերագրում են նաև միստիկական ուժ։ Ստացվել է այնպես, որ բոլոր նրանց, ովքեր ձեռք են բերել նկարը, հետապնդել է դժբախտությունը՝ կործանում, կողոպուտներ, հրդեհներ։ 20–րդ դարի սկզբում նկարը հայտնվել է Լոնդոնի ազգային պատկերասրահում՝ կարծես թե գտնելով իր հանգստությունը։ Սակայն 1914թ. կանանց իրավունքների համար պայքարող բրիտանացի ակտիվիստուհին ուրագով 5 հարված է հասցրել նկարին՝ մասերի բաժանելով գեղեցկուհի Վեներային։ Դրանից հետո նկարի հետ էլ ոչինչ չի պատահել։

«Անձրևի կինը»

«Անձրևի կինը» նկարը, որը նկարված է եղել Վիննիցայի մարզից նկարչուհի Սվետլանա Տելեցի կողմից, կրկին ծայրահեղ տարօրինակ տպավորություն է թողնում։ Նկարչուհին խոստովանում է, որ նկարել է այն ընդամենը 5 ժամում, ընդ որում՝ կարծես ինչ–որ մեկն ուղղորդեր իր ձեռքը։ Նկարի բոլոր գնորդներն այն վերադարձրել են՝ բողոքելով անքնությունից, անհանգստությունից, ինչպես նաև ասել, որ կարծես ինչ–որ մեկը մշտապես հետևում է իրենց։

Իսպանացի գեներալ Բերնարդո դե Գալվեսի դիմանկարը

Գալվեսթոն (Տեխաս, ԱՄՆ) քաղաքի «Գալվես» հյուրանոցի այցելուները հաճախ բողոքում են իսպանացի գեներալ Բերնարդո դե Գալվեսի դիմանկարից, որի հայացքը, ինչպես նրանք պնդում են, սևեռված հետևում է իրենց միջանցքով և աստիճաններով։ Ընդ որում, շատերին չի լքում այն զգացումը, որ գեներալը հետևում է իրենց նաև հետո։ Ամենազարմանալին այն է, որ այդ նկարը չի հաջողվում լուսանկարել։ Լուսանկարը սովորաբար ստացվում է հետքերով, լուսավորված կամ էլ աղաղված։

«Ձեռքերը դեմ են նրան»

Նկարիչ Բիլ Սթոուհեմը պնդում է, որ նկարը նկարել է իր մանկական լուսանկարից։ Տիկնիկը, որը կանգնած է նրա կողքին, նկարում կատարում է դռան հետևում գտնվող երազների աշխարհն ուղեկցողի դեր։ Սակայն ինչպիսի՞ երազների աշխարհ։

Անհաջող դեպքեր են սկսել տեղի ունենալ նկարի հենց առաջին սեփականատերերի հետ։ Ընտանիքը, որը ձեռք էր բերել նկարը, կախել է այն մանկական սենյակում։ Արդյունքում՝ տան փոքրիկ աղջիկն ամեն գիշեր լացելով վազել է ծնողների ննջասենյակ և բղավել, որ նկարի վրայի երեխաները կռվում են։ Նկարի հաջորդ սեփականատերերը նույնպես բողոքել են տարօրինակ հանգամանքներից, վատ ինքնազգացողությունից և նկարի ահարկու վերափոխումից։

7or.am