Լրագրողների հետ հանդիպման ժամանակ Մարդու իրավունքների պաշտպան Արմեն Հարությունայնն ասել է, թե մեր երկրում արտոնյալներ չկար, որոնց արդար դատաքննության մասին պետք է խոսվի, իսկ մյուսների մասին՝ ոչ։

-Բացի մարտի 1-ից, մենք դիտարկում էինք նաև այլ դեպքեր, որոնց մասին տեղյակ չեք։ Այն խնդիրները, որոնք կային մարտի 1-ի դատավարության ժամանակ, կային նաև այլ դատավարություններում։ Պարզապես մարտի 1-ով դա ցայտուն էր։ Մեր նպատակն է ցույց տալ, որ խնդիրներ ոչ միայն քրեադատավարական պրոցեսում կային, այլ նաև քաղաքացիադատավարական,-ասել է նա։

Ըստ Արմեն Հարությունայնի՝ այն հրապարակումներն ու հարցադրումները, թե իբր մարտի 1-ի էջը կարելի է փակել, անհասկանալի են։

-Մարտի 1-ը էջ չէ, որ մեկն ուզում է փակել, իսկ մյուսն էլ ուզում է, որ բացվի։ Մարտի 1-ը միշտ կմնա մեր հիշողության մեջ, ու մենք հետևություններ պետք է անենք, որ նման քաղաքական և տնտեսական համակարգ չի կարելի ունենալ,-ասել է նա։

Իսկ ինչ վերաբերում Նիկոլ Փաշինյանի դատավարությանը, ապա օմբուդսմենը ձեռնպահ մնաց մեկանաբանություններ անելուց, քանի որ, ըստ իրեն, դա կարող է դիտվել որպես ճնշում դատարանի վրա։

7or.am