Հալեպի հայկական Նոր Գյուղ շրջանի հարևանությամբ գտնվող Բոսթան Փաշա շրջանը նոյեմբերի 28-ին ազատագրվել է ահաբեկիչ զինյալներից և ամբողջությամբ անցել Սիրիայի օրինական բանակի վերահսկողության տակ: Այս մասին գրում է «Արևելքը»՝ Սիրիայի պետական հեռուստաընկերությանը հղումով:

Աղբյուրի փոխանցմամբ՝ մեծ թվով ահաբեկիչ զինյալներ կատարվածից հետո հեռացել են Թուրքիա: Սիրիայի բանակին հաջողել է հասնել մինչև Հոլիվք ծայրամասային շրջան:

Բոսթան Փաշայի ազատագրումը սկսվել էր շուրջ մեկ ամիս առաջ: Աղբյուրը նկատում է, որ այդ շրջանի ազատարգրումով հայկական թաղամասերն ավելի ապահով ու անվտանգ կդառնան:

Լիբանանյան «Ալ Ժատիտ» հեռուստակայանն իր հերթին հայտնել է, որ զինյալների խմբավորումների մոտ տիրում են անկումային տրամադրություններ:

Ավելի քան 70 զինյալ Հալեպի Ալ Քաթիսիե շրջանում հանձնվել է Սիրիայի բանակին:

7or.am