Հրապարակվել են ՀՀ ֆինանսների նախարարությունում անցկացված աուդիտորների որակավորման այս տարվա վերջին քննության արդյունքները: Քննությանը  մասնակցած 13 դիմորդներից որակավորման վկայական է շնորհվել  հինգին: Հրավիրված դիմորդներից չորսը չեն ներկայացել քննությանը: Որակավորման հանձնաժողովը որոշում է կայացրել որակավորման վկայական շնորհել նաև Հաշվապահների միջազգային դաշնության անդամ կազմակերպության կողմից որակավորված 1 աուդիտորի' ներկայացված փաստաթղթերի հիման վրա' համաձայն ՀՀ կառավարության  2005թ. փետրվարի 3-ի N 123-Ն որո­շ­ման: 2009 թվականին  ՀՀ ֆինանսների նախարարության կողմից աուդիտորի որակավորման վկայական է տրամադրվել  Հաշվապահների միջազգային դաշնության անդամ կազմակերպությունների կողմից որակավորված 15 դիմորդների:

2009 թվականի ընթացքում անցկացվել է ընդհանուր թվով աուդիտորների որակավորման 8 քննություն, որոնց արդյունքներով 115 դիմորդներից ընդամենը 29-ն են որակավորվել :

Հայաստանի Հանրապետությունում ս.թ. դեկտեմբերի 24-ի դրությամբ ուժի մեջ են ՀՀ ֆինանսների նախարարության կողմից տրված  աուդիտորի որակավորման 115 վկայականներ:

ՀՀ ֆինանսների նախարարության տեղեկատվության

և հասարակայնության հետ կապերի բաժնի պետ