Տեղեկացնում  ենք, որ 2010 թվականի  փետրվարի 22-ին, ՀՌԱԿ կենտրոնական գրասենյակից առաջին անգամ գործակցվեց Լոս-Անջելես-Երևան  հեռուստակամուրջ-հաղորդաշարը:

Նախագիծը  իրականություն  դարձավ  «Լույսաշխարհ»/www.louysworld.com/ հեռուստածրագրի երկարամյա ղեկավար Ստեփան Կիրեմիդջյանի  և  ՀՌԱԿ   ատենապետ  Հարություն Առաքելյանի   ջանքերի  շնորհիվ:  Հեռուստակամուրջի գործակցման համար կարճ ժամանակահատվածում ձեռք բերվեց անհրաժեշտ տեխնիկա եւ ծրագրեր, որն էլ հնարավորություն ստեղծեց իրականացնելու շուրջօրյա Սփյուռք-Հայրենիք  հեռուստակապը:

«Լույսաշխարհ»-ի  AABC 284  հեռուստալիքի ունկնդիրներն  են Լոս-Անջելոսի ողջ տարածաշրջանի 100.000-ից առավել գրանցված հայրենակիցներ,  իսկ  ինտերնետի  միջոցով'  տասնյակ  երկներ:

Նախագծի   նպատակն   է'   սերտացնել   կապերը     աշխարհասփյուռ                  հայ  մտավորականության, քաղաքական, հասարակական, մշակութային ոլորտների ներկայացուցիչների  միջև, որոնք միտված կլինեն հայապահպանության ու հայրենասիրության, ազգային  մտածողության, հոգեւոր եւ  մտավոր արժեքների պահպանմանն ու զարգացմանը:

Որպես հրատապ հարց առաջին հեռուստակամուրջի թեմա էր ընտրվել  Ջավախաքի հայության  ներկայիս  հիմնախնդիրները: Այդ  առիթով  ՀՌԱԿ  գրասենյակ  էր հրավիրվել  Ազգային ժողովի պատգամավոր, «Ջավախք» հայրենակցական միության նախագահ  Շիրակ Թորոսյանը, որն էլ ամերիկաբնակ հայ հեռուստադիտողին ներկայացրեց հայ-վրացական պետական ներկայիս անորոշ հարաբերությունները  եւ  դրանց  հետեւանքները:

Հեռուստակամուրջի  առչությամնբ  առաջարկությունների  առկայության  դեպքում կարող  եք զանգահարել  00374-10-572397 հեռախոսահամարով կամ գրել հետեւյալ հասցեով.  [email protected]

                                                                                                      ՀՌԱԿ  լրատվական ծառայություն