31–ամյա ավստրալուհի Մոնիկ Փենբերտին որոշել է ամուսնանալ ամբողջությամբ մերկ, երբ նրա հարսանյաց զգեստի պատվերը չեղյալ են համարել այն բանից հետո, երբ նա կոմայի մեջ է ընկել։ Այս մասին հայտնում է «Soulpost.ru» կայքը։

Աղջիկը ծրագրել էր հարսանիքը և արդեն պատվիրել զգեստը, երբ հանկարծակի նրա մոտ նեկրոտիկ ֆասցիտ է սկսել զարգանալ (բակտերիալ ինֆեկցիա, որը տարածվում է շատ արագ և վնասում է փափուկ հյուսվածքները)։ Հարսանիքը, բնականաբար, չեղյալ է հայտարարվել, իսկ Մոնիկը 31–րդ օրն ընկել է կոմայի մեջ։

Գիտակցության գալով՝ Մոնիկը և նրա փեսացուն պատրաստ են եղել պսակադրվել։ Սակայն հարսնացուն այլև չի ցանկացել իր 165 կգ–ոց կազմվածքի համար նոր հարսանեկան զգեստ փնտրել։

Այդ պատճառով էլ նա առաջարկել է իր 27–ամյա սիրելի Ռոուենին ամուսնանալ ամբողջությամբ մերկ։ Վերջինս համաձայնել է, և նրանք ամուսնացել են։ Հարսնացուն եղել է միայն քողով և վզնոցով, իսկ փեսացուն՝ գլխարկով և թիթեռնաձև փողկապով։

7or.am