ԱՄՆ նախագահ Բարաք Օբամայի խորթ եղբայր Մալիք Օբաման մտադիր է ժամանել Լաս Վեգաս հոկտեմբերի 19–ին՝ վերջին նախընտրական բանավեճերի ընթացքում Հանրապետական կուսակցությունից ԱՄՆ նախագահի թեկնածու Դոնալդ Թրամփին աջակցելու նպատակով։ Այս մասին հաղորդում է «New York Post»–ը։

Մալիք Օբաման հաղորդել է, որ պատրաստ է աջակցել հանրապետականին և չի հավատում Թրամփի շուրջ հյուսված սկանդալներին։

«Ես ուրախ եմ, որ ներկա եմ գտնվելու բանավեճերին։ Թրամփը կարող է ԱՄՆ–ը կրկին հզոր դարձնել»,– հայտարարել է Մալիքը։

Հանրապետական թեկնածուն չի անտեսել գործող նախագահի բարեկամի ցուցաբերած ուշադրությունը։

«Անհամբերությամբ սպասում եմ Մալիքի հետ հանդիպմանը։ Նա ավելին է հասկանում, քան եղբայրը»,– ասել է Թրամփը։

Բացի այդ, Մալիք Օբաման քննադատել է Դեմոկրատական կուսակցությունից Թրամփի հակառակորդ Հիլարի Քլինթոնի վարած աշխատանքը՝ որպես պետքարտուղար։

7or.am