Իրաքի վարչապետ Հայդեր ալ Աբադին հայտարարել է, որ իրենք չեն թույլատրելու Թուրքիայի ստորաբաժանումներին մասնակցել «Իսլամական պետություն» ահաբեկչական կազմեկերպության վերահսկողության տակ գտնվող Մոսուլ քաղաքի ազատագրման գործողությանը։ Այս մասին հայտնում է «ermenihaber.am»–ը՝ «Sputniknews»–ին հղումով։

Նշյալ հայտարարությունն Իրաքի վարչապետն արել է «Էլ Իրաքիե» հեռուստաընկերության եթերով: Նշել է, որ միակ ուժը, որը խախտում է Իրաքի տարածքային ամբողջականությունը, Թուրքիան է՝ նկատի ունենալով Իրաքի Բաշիքա շրջանում թուրքական ստորաբաժանումների ներկայությունը:

Աբադին տեղեկացրել է նաև, որ չկա որևէ փաստաթուղթ, որով Իրաքի կառավարությունը ցանկանում է, որ այդ օպերացիային հարձակողական ուժեր մասնակցեն Թուրքիայից:

Ըստ թուրքական «Haberler» լրատվակայքի՝ Իրաքի կառավարության մամուլի կենտրոնից ստացված տեղեկության համաձայն` Մոսուլի ազատագրմանը մասնակցում են Իրաքի «Հաշդի Շաբի» շիա աշխարհազորայինները և Իրաքյան Քրդստանի զորքերը:

Թուրքական աղբյուրի պնդմամբ` օպերացիային մասնակցում են նաև «Քրդստանի աշխատավորական կուսակցության» (ՔԲԿ-PKK) 3000 զինյալ և Իրաքյան Քրդստանի «Փեշմերգա» կոչվող զինված ուժերը:

7or.am