Խորհրդարանական մշտական հանձնաժողովների նախագահները լրագրողներին տարեվերջյան ճեպազրույցների էին հրավիրել, որոնց ընթացքում ամփոփ ներկայացվել են տարվա ընթացքում հանձնաժողովների կողմից կատարված աշխատանքները։

ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանն անդրադառնալով հայ-թուրքական հարաբերությունները կարգավորող արձանագրություններին՝ ասել է, թե դրանք Ազգային ժողով մտնելուն պես բուռն քննարկումների կենթարկվեն գլխադասային հանձնաժողովում։

Ա. Ռուստամյանն ասել է, որ մինչ արձանագրությունների ստորագրումը նկատի ունենալով, որ դրանք, ի վերջո, արտաքին հարաբերությունների հանձնաժողովի քննարկմանն են ներկայացվելու, նախնական քննարկում է իրականացվել.

-Բավականին հարուստ նյութ ունենք։ Դրա հիման վրա հանձնաժողովն իր քննարկումը կանցկացնի և եզրակացությունը կներկայացնի։ Չեմ ուզում կանխատեսել, թե ինչ եզրակացություն կլինի, բայց որ քննարկումները շատ բուռն կլինեն, դա միանշանակ է։

7or.am