ՀԱՊԿ անդամ երկրների ղեկավարները Երևանում տեղի ունեցող նիստի ժամանակ ԼՂ հարցով հայտարարություն չեն ընդունելու: Այս մասին հայտարարել է ՌԴ նախագահ Վլադիմիր Պուտինի մամլո խոսնակ Դմիտրի Պեսկովը։ Փոխանցում է ТАСС–ը։

Պեսկովը նաև հերքել է այն լուրը, թե Սերժ Սարգսյանը ՌԴ նախագահ Վլադիմիր Պուտինի հետ համաձայնեցրել է նոր վարչապետ Կարեն Կարապետյանի թեկնածությունը։ Նա դա անվանել է «բացարձակ աբսուրդ»՝ հավելելով, որ Պուտինը ոչ մի կերպ չի ազդում Հայաստանի ներքին քաղաքականության վրա:

«Ռուսաստանը չի խառնվում այլ երկրների ներքին գործերին, առավել ևս՝ այնպիսի մոտ գործընկերների, ինչպիսին Հայաստանն է»,–ասել է նա:

Նաև նշել է, որ Ռուսաստանը կարող է քննարկել Թուրքիա հակաօդային պաշտպանության համակարգերի մատակարարման հնարավորությունը։

«Իսկապես ռազմատեխնիկական ոլորտում համագործակցության հետ կապված հարցերը եղել են Պուտինի և Էրդողանի հանդիպումների օրակարգում»,-ասել է Պեսկովը։

7or.am