Երևանում ընթացող Եվրասիական գործընկերության առաջին միջազգային համաժողովի ժամանակ ՌԴ տրանսպորտի նախարար Մաքսիմ Սոկոլովը հայտարարել է, որ ԵԱՏՄ անդամ–պետությունների միջև համագործակցության դինամիկան պետք է մեծանա, իսկ արդեն իսկ հաստատաված կապերն էլ՝ ավելի խորանան։

Նախարարը նշել է, որ Հայաստանի համար առևտրատնտեսական ոլորտում խոշոր գործընկերը Ռուսաստանն է, և իրենք մտադրություն ունեն առաջիկայում ավելի մեծ ուշադրություն դարձնել հայ-ռուսական հարաբերությունների զարգացմանը:

–Հայաստանի տնտեսության համար Ռուսաստանն է հիմնական ինվեստորը, որն էլ արդեն իսկ կազմել է 4 միլիարդ ԱՄՆ դոլար։ Մենք աշխատանքներ ենք տանում Ռուսաստանը Հայաստանին կապող միակ ցամաքային ճանապարհով՝ Վերին Լարսով հեշտացված կարգով բեռնափոխադրումներ իրականացնելու ուղղությամբ,–ասել է նախարարը՝ հավելելով, որ իրենք ակտիվ համագործակցում են նաև միասնական տրանսպորտային քաղաքականության, բաց երկնքի հաստատման ուղղությամբ։

7or.am