Հանրային հեռուստառադիոխորհրդի նախագահ Ալեքսան Հարությունյանը լրագրողների հետ հանդիպման ժամանակ ասել է, որ չնայած համաշխարհային ճգնաժամը մեծ ազդեցություն է թողնում հեռուստառադիոընկերության վրա, բայց իրենք կարողացել են նվազագույնի հասցնել այդ հետևանքները և տեխնիկական վերազինում իրականացրել հեռուստաընկերությունում։ Նա նաև նշել է, որ 2010-ին եթերում նոր ֆիլմեր կհայտնվեն։

-Շարունակվում է դասական գրականության էկրանավորումը։ Այս տարվա դեկտեմբերի 22-ին կավարտվի Րաֆֆու «Խաչագողի հիշատակարանը», և հաջորդ տարի այն կարող եք տեսնել սկզբում կինոդահլիճներում, հետո՝ հեռուստաեթերից,-ասել է նա։

Ըստ Ալոքսան Հարությունյանի՝ եկող տարի հանդիսատեսի դատին կհանձնվի նաև Շիրվանզադեի «Արտիստը» վիպակի էկրանավորումը։ Նրա խոսքերով՝ 2010-ին նախատեսվում են 8 մասանոց «Խաչատուր Աբովյան» երաժշտական ֆիլմի նկարահանման աշխատանքները, ինչը  լավ նվեր կլինի Խ.Աբովյանի 200-ամյակին։

7or.am