Կին, ով կարդում է․ Էլինար Վարդանյան

● Լրահոս

17.09.2016 ● 23:17

Կին, ով կարդում է․ Էլինար Վարդանյան

Wnews.am-ը շարունակում է հարցազրույցների շարքը, որի շրջանակում հայտնի կանանց հետ զրուցում ենք բացառապես գրքերի մասին։

Այս անգամ մեր զրուցակիցը Ազգային ժողովի պատգամավոր Էլինար Վարդանյանն է։ Կին քաղաքական գործիչը՝ չնայած իր զբաղվածությանը , երկու զավակների մայր լինելու փաստին, միշտ ժամանակ ունի գիրք կարդալու համար:

-Հիշո՞ւմ եք Ձեր առաջին գիրքը: Քանի՞ տարեկանում եք կարդացել եւ ի՞նչ տպավորություն է թողել Ձեզ վրա։

-Առաջին գիրքը, որ կարդացել եմ, եղել է «Չիպոլինոյի արկածները»: Կարդացել եմ հինգ տարեկանում: Քանի որ քույրս մեծ է երկու տարով, ես տառերը սովորել եմ իր հետ, և արդեն հինգ տարեկանում վարժ կարդում էի: Երբ քրոջս համար գրադարանից վերցրել էին առաջին գիրքը, մայրս ինձ համար վերցրել էր «Չիպոլինոյի արկածները»՝ վստահ լինելով, որ հակառակ դեպքում քրոջս գիրքն եմ ձեռքից վերցնելու: Գրքից ստացած տպավորությունը չեմ հիշում, բայց հիշում եմ, որ այդուհետ գիրք կարդալը դարձավ կենսական պահանջ:

-Տարիքի հետ ինչպե՞ս է փոխվել գիրք կարդալու Ձեր ժանրային նախասիրությունները։

-Առաջին, երկրորդ դասարանում կարդացել եմ բոլոր հնարավոր հեքիաթները, դրանք բարի էին, իմաստուն: Երբ հեքիաթները սպառվեցին, սկսեցի կարդալ արկածային գրականություն, ինչպես երևի այդ տարիքում շատ-շատերը: Իսկ հետո եկան դետեկտիվները, գիտաֆանտաստիկ ժանրը, պատմավեպերը, հին դիցաբանությունը, ռուսական դասական գրականությունը։ Եվ, իհարկե, կարդացել եմ դպրոցի համար պարտադիր հայ հեղինակների ստեղածագործությունները: Տարիքի հետ անցում կատարեցի դեպի մասնագիտական գրականություն:

-Հեղինակներ, որոնց գրքերը հետևողական, իրար հաջորդելով կարդացել եք:

-Նրանք շատ են, բնականաբար Շեքսպիր, Ագաթա Քրիստի, Բուլգակով, Մարկես, Հեմինգուեյ… հաշվի առնելով, որ ժամանակին վաճառվում էին հավաքածուներ՝ հնարավորություն եմ ունեցել կարդալ բազմաթիվ հեղինակների գրքեր:

-Գրքեր, որոնք կիսատ եք թողել և ո՞րն է պատճառը:

-Չեմ հիշում որևէ գիրք, որ կիսատ եմ թողել; Իհարկե, եղել են գրքեր, որոնք մի փոքր բարդ է եղել ընթերցելը, երկար եմ ընթերցել, բայց անպայման վերջացրել եմ: Օրինակ՝ Մաքիավելիի «Տիրակալը» բավականին վաղ տարիքում եմ կարդացել, երևի դա էր պատճառը, որ յուրաքանչյուր դարձվածք երկար վերլուծում էի:

-Գրքի հերոսուհիներ, կերպարներ, որոնց մեջ Ձեզ տեսնում եք, նմանեցնում եք:

-Ինձ պետք չէ նմանեցնել որևէ կերպարի, որովհետև ես կարդալու ընթացքում վերապրում եմ հերոսի ապրումները, որոշումները:

-Ձեր կարդացած սիրո պատմությունը, որին հավատում եք:

-Կարդացածս սիրո պատմությունը, որին հավատում եմ Ջեյն Օսթինի «Հպարտություն և նախապաշարմունքն» է:

-Այսինքն սեր՝ բացարձակ տարբեր մարդկանց մի՞ջև:

-Այսինքն սեր՝ վեր նախապաշարմունքներից՝ հաղթահարելով հպարտությունը։

-Գիրք, որի վերջաբանն այլ կերպ կգրեիք:

-«Գիքորը». հիշում եմ, թե որքան եմ լաց եղել այն կարդալիս:

–Որովհետև happy end-ի էիք սպասո՞ւմ:

–Ո՛չ, այնպես չէ, որ ամեն ինչում happy end եմ սպասում, բայց կարծում եմ երեխաների դեպքում happy end-ը պարտադիր է։ Ճիշտ է, երբեմն իրականությունից չես փախչի, բայց երեխաները միշտ հուսալի ապագայի հնարավորություն պետք է ունենան։

-Գիրք, որը հիմնովին փոխել է Ձեր աշխարհայացքը։

-«Փոքրիկ իշխանը». յուրաքանչյուր տարիքում այն յուրովի ես ընկալում: Ես նույնիսկ դեռ չէի կարդացել, բայց սիրահարվել էի այդ ստեղծագործությանը: Հիշո՞ւմ եք մի ժամանակ տներում կային ռադիոընդունիչներ, և հաղորդումներից մեկում մաս-մաս կարդում էին այս հրաշք ստեղծագործությունը: Ես նույնիսկ կրկնություններն էի լսում: Հետո, երբ ինքս կարդացի, հայտնագործեցի մեկ ուրիշ փոքրիկ իշխան, երեխաներիս համար կարդալիս, նա բոլորովին ուրիշ է:

-Հիմա ի՞նչ գիրք եք ընթերցում:

-Հիմա ավելի շատ օրենքի նախագծեր և քաղաքագիտական վերլուծություններ եմ կարդում: Բայց եթե մի քանի րոպե ազատ ժամանակ եմ գտնում, փորձում եմ գեղարվեստական գիրք էլ կարդալ: Հիմա կարդում եմ Կուրտ Վոննենգուտի ստեղծագործությունները:

–Ինչո՞վ է ձեզ հետաքրքրել Վոննենգուտի գիտաֆանտաստիկ գրականությունը:

–Վոննենգուտի ստեղծագործություններում ինձ գրավել է գրոտեսկի, այլաբանության և նաև սև երգիծանքի նուրբ դրսևորումները:

Մանրամասները՝ Wnews.am-ում։

● Այս խորագրի վերջին նյութերը

Հայ վարորդները փակել են Իրանի հետ երթևեկությունը «Ագարակ» անցակետում

17.11.2024 ● 20:41

Նրանք վրդովված են դիզվառելիքի գների կտրուկ բարձրացման մասին ԻԻՀ իշխանությունների որոշումից, որը վարորդները պարտավոր են գնել Հայաստան վերադառնալիս:

Երգչուհի Արմինե Գրիգորյանը միացել է տրանսպորտի թանկացման դեմ ստորագրահավաքին (տեսանյութ)

17.11.2024 ● 20:17

Երգչուհի Արմինե Գրիգորյանը միացել է տրանսպորտի թանկացման դեմ ստորագրահավաքին

631 հայկական բեռնատարներ սպասում են Լարսն անցնելուն

17.11.2024 ● 17:44

Վերին Լարսն անցնելուն սպասող տրանսպորտային միջոցների մեկ երրորդը հայկական է:

Քաղաքացիները տոտալ դեմ են տրանսպորտի թանկացման իշխանության նախագծին (լուսանկար)

17.11.2024 ● 17:38

Երևան վերադառնալուն պես միացել եմ տրանսպորտի թանկացման դեմ «Մայր Հայաստանի» քաղաքացիական նախաձեռնությանը:

Արարատի մարզում բախվել են BMW-ն, Mercedes Sprinter-ը, Opel-ը, MAZ բեռնատարն ու մեկ այլ Mercedes. կան վիրավnրներ

17.11.2024 ● 17:36

Վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են «Էրեբունի» բժշկական կենտրոն։

Փաստորեն, Երևանում դեռ գազելներ կան (տեսանյութ)

17.11.2024 ● 15:25

Վերջին գազելը չէր։

Երգչուհի Արմինե Գրիգորյանը միացել է տրանսպորտի թանկացման դեմ ստորագրահավաքին (տեսանյութ)

Քաղաքացիները տոտալ դեմ են տրանսպորտի թանկացման իշխանության նախագծին (լուսանկար)

Փաստորեն, Երևանում դեռ գազելներ կան (տեսանյութ)

● Լրահոս