Լրագրողների հետ հանդիպման ժամանակ ՍԴՀԿ արտակարգ համագումարում ընտրված ատենապետ Գևորգ Պերկուպերկյանն ասել է, որ ՍԴՀԿ կանոնակարգի համաձայն՝ եթե կուսակցության 2/3-ը անվստահություն է հայտնում կուսակցության ատենապետին, ապա հնարավոր է համագումար հավաքել և նոր ատենապետ ընտրել։

Այն հարցին, թե ո՞րն է իսկական ՍԴՀԿ-ն՝ այն, որի ատենապետը Լյուդմիլա Սարգսյա՞նն է, թե այն, որի ատենապետն ինքն է, Գևորգ Պերկուպերկյանը պատասխանել է, որ իրենք են իսկական ՍԴՀԿ-ն։

-Երևի թե հիշում եք, որ գոյություն ունի ևս մի հնչակյան կուսակցություն, որի նախագահն Էռնեստ Սողոմոնյանն է, բայց որպես իսկական ՍԴՀԿ ճանաչվում է հայաստանյան այն կառույցը, որին ընդունում է ՍԴՀԿ համասփյուռ ընտանիքը։ Հիմա էլ նա, ում կընդունի ՍԴՀԿ համասփյուռ ընտանիքը, կլինի ՍԴՀԿ ատենապետ,-ասել է նա։

Իսկ թե ինչպե՞ս պետք է իմանալ, թե ում է ընտրել համասփյուռ համահնչակյան կուսակցությունը, ըստ Գևորգ Պերկուպերկյանի, վաղը կուսակցության ատենապետ Սեդրակ Աճեմյանը կասի ասուլիսի ժամանակ։

7or.am