-Որոշումներում նախապայման չկա, սակայն Թուրքիան սպասում է որևէ ժեստի,- Երևանում հայ և թուրք լրագրողների հանդիպման ժամանակ հայտարարել է Ստամբուլի մշակութային համալսարանի գլոբալ քաղաքական գործընթացների կենտրոնի տնօրեն Մենսուր Աքգյունը։ Նա Թուրքիայի խորհրդարանում հայ-թուրքական արձանագրությունների վավերացման համար անհրաժեշտ ժեստ է տեսնում միայն Լեռնային Ղարաբաղի հակամարտության հարցում առաջընթացը։

-Մենք սպասում ենք, որ Հայաստանի և Ադրբեջանի միջև հարաբերություններում որևէ բարելավում նկատվի։ Դա ասելով՝ ես նկատի չունեմ ղարաբաղյան հարցի վերջնական լուծումը, սակայն մենք սպասում ենք որևէ առաջընթացի։ Եթե Հայաստանի և Ադրբեջանի հարաբերություններում որևէ առաջընթաց չլինի (Մինսկի խմբի շրջանակներում կամ ուրիշ ձևաչափով), չեմ կարծում, որ Թուրքիան իր քաղաքական դիրքերը զիջի, և ոչ մի քայլի չի դիմի,- ասել է Մ. Աքգյունը։

Նա նաև հավելել է, որ կողմ է հայ-թուրքական սահմանի բացմանը, քանի որ կարծում է, որ փակ սահման ունենալը նորմալ երևույթ չէ.

-Կարծում եմ, որ եթե Հայաստանի և Թուրքիայի միջև սահմանը բացվի, ապա դա դրականորեն կազդի Հայաստան-Ադրբեջան հարաբերությունների վրա։

7or.am