Իտալիայի կառավարությունն իր երկրի քաղաքացիներին 18 տարեկանը լրանալուն պես տրամադրելու է, այսպես կոչված, «մշակութային բոնուս»՝ 500 եվրոյի երաշխավորագիր։ Այս մասին հայտնում է «Corriere della Serra»–ն։

Հաղորդվում է, որ ստացած գումարը կարելի է ծախսել գրքերի, ինչպես նաև համերգների, ներկայացումների, ցուցահանդեսների և ազգային այգիների տոմսեր գնելու վրա։ Երիտասարդ տղաներն ու աղջիկները նվերը կարող են ստանալ հատուկ հավելվածի միջոցով և կարող են այն ծախսել ինչպես խանութներում, այնպես էլ օնլայն գնումների ժամանակ։

Ակցիան մեկնարկելու է սեպտեմբերի 15–ից և տևելու է մինչև 2016թ. դեկտեմբերի 31–ը։ Կառավարության տվյալներով՝ նվերը ստանալու է 575 հազար դեռահաս, իսկ, ընդհանուր առմամբ, տվյալ գաղափարն իշխանություններին արժենալու է 290 միլիոն եվրո։

«Սա կհիշեցնի նրանց, թե որքան կարևոր է մշակույթի օգտագործումը ինչպես ինքնազարգացման, այնպես էլ հասարակության ամրապնդման համար»,– հայտարարել է խորհրդարանական պետքարտուղար Տոմազո Նանիչինին։

7or.am