Համաձայն Օքսֆորդի համալսարանի նոր հետազոտության՝ Հանրապետական կուսակցությունից ԱՄՆ նախագահի թեկնածու Դոնալդ Թրամփը հոգեկան խանգարման ավելի շատ հատկանիշներ ունի, քան նացիստական առաջնորդ Ադոլֆ Հիտլերը։ Այս մասին հայտնում է «The Independent»–ը։

Հաղորդվում է, որ հետազոտությունն անցկացվել է գիտնական Քևին Դաթոնի կողմից՝ PPI-R (Psychopathic Personality Inventory) մեթոդի օգտագործմամբ՝ անհատականության հոգեկան խանգարման հատկանիշների գնահատականներով։ Այն ընդգրկում է 8 չափանիշ, որոնց թվում են անվախությունը, սառնասրտությունը և սթրեսների դիմադրությունը։

Հետազոտության արդյունքների հիման վրա Դաթոնը կազմել է հոգեկան շեղումներով առաջնորդների վարկանիշը։ Առաջին տեղում հայտնվել է նախկին իրաքյան բռնապետ Սադդամ Հուսեինը՝ ստանալով 189 միավոր։

Թրամփը հավաքել է 171 միավոր՝ հայտնվելով 4–րդ տեղում և առաջ է անցել Հիտլերից, ով ստացել էր 169 միավոր։

7or.am