Ֆրանսիայի նախագահ Ֆրանսուա Օլանդը հայտարարել է, որ 2017թ. կցանկանար առաջադրվել նախագահական 2–րդ ժամկետում, սակայն կանի դա միայն հաղթանակի հնարավորություն ունենալու դեպքում։ Նրա խոսքերը մեջբերում են լրագրողներ Անտուան Անդրեն և Քարիմ Ռասուլին՝ «Մասնավոր զրույցներ նախագահի հետ» նոր գրքի հեղինակները, որից հատվածներ է հրապարակել «Le Point» պարբերականը։

«Ես շատ լավ գիտեմ, թե ինչ են նշանակում տարիներ՝ անցկացրած առանց անձնական կյանքի։ Սակայն ցանկություն ունեմ։ Դա անձնական նախընտրություն է»,– մեկնաբանել է Օլանդն իր ծրագրերը։

Ընդ որում, ինչպես ասվում է գրքում, Օլանդը չի առաջադրի իր թեկնածությունը, եթե հաղթանակի հնարավորություններ չունենա։ Բացի այդ, նա այդքան էլ բարյացակամ տրամադրված չէ հնարավոր հակառակորդների հանդեպ, ինչպես, օրինակ, Ֆրանսիայի նախկին նախագահ Նիկոլա Սարկոզիի, և ասում է, որ վերջինս «կցանկանար ջարդել իր ատամները»։

Ավելի վաղ «Ազգային ճակատ» կուսակցության նախագահ Մարին Լե Պենը TF1–ի եթերով հայտարարել էր իր՝ Ֆրանսիայի նախագահի թեկնածու առաջադրվելու ծրագրերի մասին։

7or.am