-Ես հուշագիր չեմ տեսել, և ոչ էլ հուշագրի մասին խոսք կա: Դա լրատվական կամ այլ քաղաքական գործիչների ցանկությունն է կամ, չգիտեմ... Հուշագիր չկա,-«7օր»-ին ասել է ԱԺ ՀՀԿ խմբակցության ղեկավար Գալուստ Սահակյանը և հավելել,-ես չեմ ասել՝ հուշագիր կա: Ասել եմ, որ կապված նոր ընտրությունների հետ, բնականաբար, հարկավոր է ռազմավարություն մշակել: Դա հետագայում կարտահայտվի հայտարարությունով, ասուլիսով, թե՞ այլ ձևով, դա տեխնիկական կողմն է:

Նա նշել է, որ հուշագրի առաջացման խնդիր չկա, և դեռևս քննարկումներ են ընթանում՝ առաջիկա ընտրություններին կոալիցիան համաձայնեցվա՞ծ է գնալու, որպեսզի լավ ընտրություններ կատարի, որպեսզի իրենց ծրագրերն ամբողջական ավարտ ունենան, թե՞ ոչ: Մնացած հարցերը՝ հուշագիր, հայտարարություն թե ասուլիս, տեխնիկական կողմերն են:

-Խոսքը համաձայնությունների մասին է, այսինքն՝ մենք միասի՞ն ենք ձգտում, որ լավ ընտրություն լինի, մենք միասի՞ն ենք, որ դեռևս չվերջացրած ծրագրերին հետագայում միասի՞ն ենք ձեռնամուխ եղել, թե՞ ոչ: Մնացածը հետևանքներ են, տեխնիկական խնդիրներ են,-ընդգծել է նա:

Նա նշել է, որ ո՛չ հուշագիրը, ո՛չ համաձայնագիրը և կամ մեկ այլ բան վերջնագիր լինել չեն կարող:

-Ցանկացած տեղ՝ ՀԱԿ էլ գնաք, կամ «Ժառանգությունում», նրանք էլ են մտածում՝ ինչպե՞ս մասնակցել ընտրություններին, մշակվում է ռազմավարություն,-նշել է նա և ընդգծել, որ դա վերաբերելու է միայն ընտրություններին:

7or.am