Մոսկվայի իրավապահները որոնում են ուրբաթ լուսադեմին Ռյազանյան պողոտայում գարեջրի վաճառքի կետի մոտ երկու մարդու սպանություն կատարած մի խումբ երիտասարդների:

«Ազատությունը» հայտնում է, որ ռուսական լրատվամիջոցների փոխանցմամբ, հնարավոր է՝ սպանությունը կատարվել է ազգային հողի վրա: Ականատեսների վկայությամբ, ուրբաթ վաղ առավոտյան ժամը 5-ի սահմաններում ինչ-որ երիտասարդներ են մոտեցել գարեջրի վաճառքի կետի մոտ իր օգնականի հետ նստած սեփականատիրոջը՝ ծնունդով Հայաստանից 69-ամյա Լև Քամալյանին: Նրանց միջև լեզվակռիվ է ծագել, ինչից հետո երիտասարդներից մեկը գրապանից հանել է դանակն ու հարվածել Քամալյանի սրտին: Վերջինս տեղում մահացել է:

Հանցագործների երկրորդ զոհն է դարձել առևտրային կետի հաճախորդը՝ Ղրղզստանի քաղաքացի, 36-ամյա Նուրիկ Մունդուզովը։ Նրան նույնպես սպանել են դանակի հարվածով:

Որոշ լրատվամիջոցների տվյալներով, մարդասպանները սափրագլուխներ են (սքինհեդներ), նրանց հագին զինվորական կոշիկներ են եղել:

Մանրամասները՝ «Ազատություն»–ում։