Ֆրանսիական «Le Monde diplomatique» ամսագիրը մի նյութ է հրապարակել «Ատլանտյան սադրանքներ» անվանումով, որում հաստատվում է, որ ՆԱՏՕ–ի ինքնին գոյությունը վաղուց արդարացված չէ։

«Հյուսիսատլանտյան դաշինքը սառը պատերազմի մասունք է և պետք է անհետանար Խորհրդային Միության փլուզումից հետո»,– ասվում է նյութում։

Բացի այդ, ըստ պարբերականի, ՆԱՏՕ–ի բոլոր գործողությունները, հատկապես արևելյան թևի ամրապնդումը և Լեհաստանում ու Մերձբալթյան երկրներում ռազմական ներկայության ուժեղացումը բացահայտ սադրիչ բնույթ են կրում։

«Կարելի է պատկերացնել Ռուսաստանի արձագանքը դաշինքի որոշմանը՝ կազմակերպել ՆԱՏՕ–ի գագաթաժողովն այնտեղ, որտեղ 1955թ. մայիսին կնքվել է Վարշավայի համաձայնագիրը։ Ուկրաինայի նախագահ Պյոտր Պորոշենկոն, ով չհայտարարված պատերազմ է մղում Ռուսաստանի դեմ, եղել է հրավիրված այդ հանդիպմանը, չնայած որ իր երկիրը ՆԱՏՕ–ի անդամ չէ»,– ընդգծում է պարբերականը։

7or.am