ՌԴ առաջնորդ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ, որի ժամանակ իր ցավակցությունն է հայտնել Թուրքիայում պետական հեղաշրջման փորձի ժամանակ զոհվածների համար։

Այս մասին հայտնում է ՌԻԱ «Նովոստին»՝ Կրեմլի մամուլի ծառայությանը հղումով:

Նշվում է, որ հեռախոսազրույցը տեղի է ունեցել ռուսական կողմի նախաձեռնությամբ:

Պուտինը մաղթել է, որպեսզի Թուրքիայում կարգուկանոն և կայունություն հաստատվի՝ ընդգծելով ՌԴ սկզբունքային դիրքորոշումը հակասահմանադրական գործողությունների և բռնության անթույլատրելիության հարցում։

Ռուս նախագահը նաև հույս է հայտնել, որ Թուրքիան կկարողանա ապահովել երկրում գտնվող ռուս զբոսաշրջիկների անվտանգությունը: Էրդողանն էլ հավաստիացրել է, որ Անկարան կձեռնարկի բոլոր անհրաժեշտ միջոցները:

Աղբյուրի փոխանցմամբ՝ կողմերը նաև համաձայնության են եկել մոտ ժամանակներս անձնական հանդիպում կազմակերպելու հարցով։

7or.am