Մարդիկ ամենալավը քնում են երեքշաբթի՝ լույս չորքեշաբթի գիշերը։ Նման եզրակացության են հանգել Քեմբրիջի համալասարանի մասնագետները, ովքեր հետազոտություն են կատարել «Firstbeat» ֆիննական կազմակերպության պատվերով։

Հետազոտությանը մասնակցել են Մեծ Բրիտանիայում ապրող 4 866 տղամարդ և կին։ Կամավորները ամբողջ 3 օր հատուկ սարքեր են կրել, որոնք չափել են սրտի ռիթմը։ Տվյալների հավաքագրումը տևել է մոտավորապես 10 տարի։ Հետազոտության մասնակիցներին տրամադրվել էր տեղեկատվություն քնի ժամի և իրենց ինքնազգացողության մասին։

Պարզվել է, որ երեքշաբթի գիշերվա քունը ամենաերկարը չէ, սակայն առավել արդյունավետ է։ Այդ առավոտ մարդն իրեն զգում է ավելի առույգ և էներգետիկ։ Հնարավոր է՝ նման արդյունքները բացատրվում են առաջին աշխատանքային 2 օրերի բավարարվածությամբ. մարդն իրեն արժանի է զգում լավ հանգստի համար։ Բացի այդ, շաբաթվա կեսի քունը «թունավորված» չի լինի ալկոհոլով կամ ճարպոտ ուտեստներով։ Այս մասին հաղորդում է «Вокруг света»–ն։

Ամենաերկար, բայց սակայն ոչ այնքան առողջ քունը գրանցվել է հանգստյան օրերին։ Շաբաթ առավոտյան մարդն անկողնում միջին հաշվով կես ժամ ավել է անցկացնում, քան աշխատանքային օրերին։ Չնայած քնի նման տևողությանը՝ հանգստյան օրերին վերականգնման համար նախատեսված ժամանակահատվածն ավելի կարճ է, ինչը բնութագրվում է արյան ճնշման անկմամբ և սթրեսի հորմոնների մակարդակի իջեցմամբ։

7or.am