Ուշագրավ հետազոտություն են անցկացրել գիտնականները, որի արդյունքում պարզվել է՝ որ գույների հագուստ խորհուրդ չի տրվում հագնել առաջին ժամադրությանը։

Ինչպես տեղեկացնում է «Комсомольская правда»-ն, անցանկալի գույների առաջին հորիզոնականում է հայտնվել նարնջագույնը, որը թեև համարվում է դրական և լավատեսական գույն, բայց այլ մարդու անձնական ընկալմամբ՝ ասոցացվում է էժանության հետ։ Այդ փաստը, հավանաբար, պայմանավորված է կոմունալ ծառայությունների և ճանապարհային աշխատողների նարնջագույն համազգեստով։

Երկրորդ տեղում է հայտնվել դեղին գույնը, որը թեև ասոցացվում է արևի և զվարճանքի հետ, շատերի մոտ եսասիրության և դավաճանության տպավորություն է ստեղծում։

Անցանկալի գույների երրորդ տեղն է զբաղեցրել շագանակագույնը։ Ըստ հոգեբան Ջուդի Սքոթ Քեմմիսի՝ մարդիկ ենթագիտակցաբար ասոցացնում են այն մանրախնդրության, ձանձրույթի և կանխատեսելիության հետ, ինչը կործանիչ է ռոմանտիկ հարաբերությունների համար։

7or.am