Հակաահաբեկչական նոր օրենքների ընդունման պատճառով բջջային օպերատորների ծառայությունների գները կարող են 2–3 անգամով աճել։ Այս մասին «Интерфакс»–ին հայտնել են «Мегафон»–ի ներկայացուցիչները և «Т2 РТК Հոլդինգը»։

«vesti.ru»–ի փոխանցմամբ՝ ընկերություններում դա վերագրում են որպես տեղեկատվության պահպանման համար նախատեսված ծախսերի աճ։ Եթե համապատասխան օրենքները սկսեն գործել, կապի օպերատորները 6 ամիս ժամկետով պարտավոր են լինելու պահպանել օգտատերերի տեքստային հաղորդագրությունները, ձայնային տեղեկատվությունը, լուսանկարները, տեսանյութերը և էլեկտրոնային այլ հաղորդագրություններ։

Բացի այդ, օպերատորները և ինտերնետային ընկերությունները հայտարարել են, որ հակաահաբեկչական օրենքների ընդունմամբ մի քանի տարվա ընթացքում ընկերությունները հարկային վնաս կկրեն, ինչը կտանի բյուջեի անկման մի քանի հարյուր մլրդ ռուբլով և կկանգնեցնի նորարարական զարգացումը կապի ոլորտում։ Օպերատորները չեն կարողանա զարգացնել կապերը բաժանորդների համար, ինչն էլ կարող է հանգեցնել կապի որակի դեգրադացման։

7or.am