Բժիշկ–դիետոլոգ Ելենա Սոլոմատինան պատմել է «vesti.ru»–ին, թե ինչ սննդատեսակներից պետք է խուսափել շոգ օրերին՝ օրգանիզմը և առողջությունը չվնասելու նպատակով։

• Շոգ եղանակին նախընտրելի է քիչ ուտել դժվարամարս միս, ինչպես, օրինակ, ոչխարի, խոզի և տավարի։ Լավ կլինի, եթե ուտեք յուղոտ ձուկ, քանի որ վերջինս պարունակում է «Omega-3» ճարպային թթուներ, որոնք բարձրացնում են մաշկի իմունային համակարգը։
• Ավելի լավ կլինի, եթե խորովածն անեք թռչնի կամ ձկան մսից, իսկ խավարտը կարող եք պատրաստել թարմ բանջարեղենից։
• Ամռանը լավ կլինի՝ սննդակարգից բացառեք կրեմով տորթերն ու թխվածքները։ Իսկ բոլորի կողմից սիրված պաղպաղակը կարելի է փոխարինել սառեցված հատապտուղներով։
• Սննդակարգում պետք է գերակշռեն բանջարեղենը, մրգերը, հատապտուղները և կանաչեղենը։ Դրանք ավելի հեշտ են մարսվում։ Դեղին և կարմիր բանջարեղենն ու մրգերը օգնում են վերարտադրել մելանին, որպեսզի մաշկը չվառվի արևից։
• Ապուրներից նախընտրությունը տվեք բանջերեղենայիններին։ Օգտակար կլինի, եթե ուտեք մածնաբրդոշ՝ կվասից կամ կեֆիրից պատրաստված։
• Չարժե խմել քաղցր գազավորված ըմպելիքներ, քանի որ այն չի հագեցնում տապը և առաջացնում է ուտելու ցանկություն։
• Շոգին վտանգավոր է խմել «light» տեսակի ըմպելիքներ, քանի որ արևային ճառագայթների ազդեցությամբ վերջինիս մեջ առաջանում են կանցերոգեններ։
• Ավելի լավ է ոչ գազավորված ըմպելիքներ խմել, բայց ոչ թեյ կամ սուրճ։ Սակայն կարելի է խմել թույլ կանաչ թեյ։ Ջուրը պետք չէ միանգամից խմել, այլ 20 րոպեի ընթացում 2–3 կում։
• Շոգին պետք է բացառել ալկոհոլը։ Այն ոչ միայն ջրազրկում է օրգանիզմը, այլ նաև բացասաբար է ազդում նյարդային համակարգի վրա նման եղանակին։
• Շոգ եղանակին կարելի է փոփոխել սնունդ ընդունելու ժամերը։ Նախաճաշել առավոտյան ժամը 7։00–8։00–ն, ճաշել սովորականից ուշ, ընթրել քնելուց 3 ժամ առաջ։

7or.am