Այն հարցում, որ շատ կենդանիներ զգում են և արձագանքում Երկիր մոլորակի մագնիսական դաշտին, կասկած չկա։ Հնարավոր է՝ մարդիկ նույնպես օժտված լինեն «մագնիսական» այդ զգացումով։ Սակայն եթե անգամ այն գոյություն ունի, դեռևս բացահայտված չէ, թե 6–րդ զգացյարանն ինչպես է գործում։

Լոնդոնի թագավորական ինստիտուտում կայացել է գիտնականների հանդիպում, ովքեր իրենց կյանքի զգալի մասը նվիրել են «Մարդիկ նույնպես կարող են արձագանքել Երկրի մագնիսկան դաշտին» հիպոթեզն ապացուցելուն կամ հերքելուն։

Այդ հանդիպման ընթացքում Կալիֆոռնիայի տեխնոլոգիական ինստիտուտից Ջո Կիրշվինկը հայտարարել է, որ իր գործընկերների հետ համատեղ անցկացրած փորձարկումը ցուցադրել է մագնիսական դաշտերով կառավարվող սենյակում նստած կամավորների ուղեղի ալիքներում վերարտադրելի փոփոխությունները։

Այլ կերպ ասած՝ գիտնականը (դեռևս միայն իր խոսքերով) ապացուցել է, որ մարդն ունի մագնիսական դաշտի զգացում։

7or.am