Իսրայելի Բեն–Հուրիոնի անվան համալսարանի հետազոտողները համակարգչային օդափոխիչի օգնությամբ տվյալները գողանալու մեթոդ են գտել։ Նրանց կողմից ստեղծված լրտեսական «Fansmitter» ծրագիրն ունակ է օգտագործել համակարգչի սառեցման համակարգը՝ ձայնի օգնությամբ մոտակայքում գտնվող սմարթֆոնի վրա ոչ մեծ ծավալների տեղեկատվություն փոխանցելու համար։

Տեղադրելով իրենց հավելվածը համակարգչում՝ հետազոտողներին հաջողվել է դինամիկ կերպով փոխել սառեցման համակարգի օդափոխիչի պտտման արագությունը՝ կախված փոխանցվող տվյալներից։ Ստացված տեղեկատվությունը կարելի է վերծանել մի քանի մետր հեռավորությամբ գտնվող սմարթֆոնի խոսափողով։

Չնայած այդ մեթոդով տվյալների փոխանցումը դանդաղ է ստացվում՝ ժամում 900 բիթ, և ունի կիրառության սահմանափակ շառավիղ (մինչև 8 մետր), «Fansmitter»–ը հնարավորություն է տալիս տեղեկատվություն գողանալ անգամ մեուսացված սարքերից, որոնք համացանցին միացված չեն։

Կոտրելու համար հարկավոր է միայն օդափոխիչի առկայություն, որը գրեթե բոլոր համակարգիչներն ունեն։

7or.am