Ֆրանսիական երգիծական ^{«Charlie Hebdo»} շաբաթաթերթը ֆեյսբուքյան իր էջում ծաղրանկար է հրապարակել Մեծ Բրիտանիայում ԵՄ անդամության հարցով կայացած արդյունքների վերաբերյալ։

«Charlie Hebdo»–ի առաջնորդող հոդվածում պատկերված է Մեծ Բրիտանիայի Եղիսաբեթ II թագուհին, որն իր մերկ հետույքն է ցուցադրում իրեն նայող շներին։ Անպարկեշտ այդ ժեստն ուղեկցվում է «Brexit. վայելեք» գրությամբ։

«Դուք, հավանաբար, այլևս երբեք չեք տեսնի դա»,–հավելել են ծաղրանկարիչները։

Երկրորդ նկարում ճամպրուկով տղամարդը ԵՄ դրոշը հիշեցնող հագուստով կնոջն ասում է. «Ես վերադառնում եմ մայրիկի մոտ ապրելու», և ուղղվում Եղիսաբեթ II–ին նման կնոջ մոտ։

«43 տարվա ամուսնությունից հետո Անգլիան որոշեց ամուսնալուծվել Եվրոպայից»,–մեկնաբանել են ծաղրանկարիչները։

Հիշեցնենք՝ հանրաքվեում ԵՄ–ն լքելու օգտին է ձայն տվել քվեարկողների 51,9%–ը։

7or.am