ԿԲ նախկին նախագահ Բագրատ Ասատրյանը լրագրողների հետ հանդիպման ժամանակ ամփոփելով 2009թ.՝ ասել է, որ տարին վատագույններից է, և այս ամենից պետք է զրակացություններ անել, հատկապես՝ իշխանությունները։

-Նրանք պետք է եզրակացնեն, որ անկարող են որևէ բան անելու։ Ես չեմ մտածում, որ նրանք չունեն ձգտում։ Ես անկեղծորեն մտածում եմ, որ այն անձինք, որոնց ուսերի վրա դրված է Հայաստանի պետության բեռը, ձգտումներ ունեն, ինչ-որ բան ուզում են անել, բայց արդյունքը, ցավոք, սա է։ Եվ եթե այսօր եզրակացություն չանեն, մենք շատ ավելի վատ վիճակում ենք գտնվելու առաջիկայում,-նշել է նա։

Ըստ Բագրատ Ասատրյանի՝ պետք է ընդունել, որ  միջազգային ֆինասատնտեսական ճգնաժամը չէր կարող այդ աստիճան ազդեցություն ունենալ Հայաստանի տնտեսության վրա։

-Սա մեր ներքին ճգնաժամի արդյունքն է, սա տարիների ընթացքում տնտեսական քաղաքականության, և ոչ միայն տնտեսական, այլ ընդհանրապես պետական քաղաքակնության բացերի հետևանքն է։ Մեր բացասական արդյունքերը հատուկ են մեր կյանքի, ըստ էության, գրեթե բոլոր ոլորտներին։ Մենք 2009թ. ընթացքում դարձել ենք մի երկիր, որտեղ օրինականությունն է պակասում, մենք 2009թ. ընթացում մի ճանապարհով ենք անցել, որտեղ արդարությունն է պակասել։ Մենք գնում ենք դեպի... ես չգիտեմ՝ դեպի ո՞ւր ենք գնում։ Ժամանակն է, որ կոչ անենք, որ սթափվեն,-հավելել է ԿԲ նախկին նախագահը։

7or.am