Լաս Վեգասում ԱՄՆ հանրապետական թեկնածու Դոնալդ Թրամփի կողմնակիցների միտինգի ժամանակ ձերբակալված տղամարդը պարզվել է՝ Մեծ Բրիտանիայի քաղաքացի է։ Նա հայտարարել է, որ մոտ մեկ տարի հարձակում էր ծրագրում Թրամփի դեմ, և հարմար պահի է սպասել դա իրագործելու համար։ Այս մասին հայտնում է «Sky News»–ը՝ դատարանի նյութերին հղումով։

Մայքլ Սենդֆորդը հունիսի 18–ին փորձել էր խլել Թրամփի կողմնակիցների միտինգին ներկա ոստիկանության աշխատակցի զենքը։ Ձերբակալությունից հետո նա հայտնել է, որ Լաս Վեգաս է մեկնել Կալիֆոռնայից՝ Թրամփի դեմ հարձակումն իրականացնելու նպատակով։ Տղամարդու մոտ բրիտանական վարորդական իրավունք է եղել, նա 18 ամիս ԱՄՆ տարածքում է եղել։

Դատարանը հրաժարվել է գրավի դիմաց ազատ արձակել Սենդֆորդին։

Բրիտանացին նաև հրաձգարան է այցելել՝ զենքից վարժ կրակել սովորելու համար. նա խոստովանել է, որ ավելի վաղ չի կրակել զենքից։

7or.am