Ինչպես հաղորդում է «1news.az»-ը, Ադրբեջանում Իրանի դեսպան Մամեդբահիր Բահրամին հայտարարել է,  թե Իրանն ընդունում է Ադրբեջանի տարածքային ամբողջականությունն ու պատրաստ է իր աջակցությունը ցուցաբերել ղարաբաղյան հակամարտության կարգավորմանը։

Նրա խոսքերով՝ պետք է ուշադիր հետևել Իրանի և Ադրբեջանի նախագահների խոսքերին, որոնք միշտ խոսել են երկու երկրների եղբայրական հարաբերությունների մասին։

-Իրանը միշտ քննադատել և քննադատում է ադրբեջանական տարածքների գրավումը։ Մեր դիրքորոշումը չի փոխվել,-ընդգծել է դեսպանը։

Անդրադառնալով Հայաստնի և Ադրբեջանի միջև Իրանի միջնորդությանը 90-ականների սկզբին, երբ ազատագրվեց Շուշին՝ դիվանագետն ընդգծել է, թե ԱՄՆ-ը և Իսրայելն են խանգարել հակամարտության կարգավորման այդ փուլին։

-Եթե չլիներ այդ երկու երկրների միջամտությունը, ԼՂ հարցը վաղուց լուծված կլիներ,-ասել  է դեսպանը։