Օռլանդոյի «Pulse» գիշերային ակումբի ահաբեկչությունից ողջ մնացածները լրագրողներին պատմել են վերապրած սարսափի և ահաբեկիչ Օմար Մաթինի պահվածքի մասին, ով 49 մարդ է սպանել։ Այս մասին հաղորդում է «life.ru»–ն։

Նրանցից մեկը՝ 20-ամյա Փեյշենս Քարթերը, պատմել է, որ այդ օրն ինքն ընկերների հետ հայտնվել է «ծուղակում». մնացել է գիշերային ակումբի զուգարանում։ Աղջիկը լսել է ոչ միայն ահաբեկչի քայլերը, այլ նաև վերջինիս հեռախոսազրույցը 911 ծառայության օպերատորի հետ։

«Նա հայտարարել է, որ սպանում է մարդկանց, քանի որ ուզում է, որպեսզի ԱՄՆ–ը դադարեցնի ռմբակոծել իր երկիրը»,– պատմել է Փեյշենս Քարթերը՝ ընդ որում, չնշելով պետության անունը։

Ավելի վաղ հաղորդվել էր, որ Օմար Մաթինը ծնվել է ԱՄՆ–ում, սակայն նրա ծնողները եկել են Աֆղանստանից։ Ամենայն հավանականությամբ, ահաբեկիչը պահանջում էր դադարեցնել հենց այդ երկրի ռմբակոծումը։

7or.am