Հայաստանը կրկին հայտնվել է «National Geographic» ամսագիր էջերում: Ըստ ամսագրի՝ Հայաստանն աշխարհի տարբեր անկյուններում գտնվող այն 10 երկրներից մեկն է, որն արժանի է ավելի շատ թվով զբոսաշրջիկների այցելության:

«Չնայած Հայաստանը շատերի մոտ ասոցացվում է հակամարտության հետ, այնուհանդերձ, այս երկիրն այժմ խաղաղ ու ապահով վայր է` զարգացող զգոսաշրջային ենթակառուցվածքով: Այստեղ հիմնականում զարգացած է ագրոտուրիզմը, որը միտված է գրավելու երկրի` շատերի համար անհայտ բնական ու ճարտարապետական գեղեցկությունները փնտրող արկածասերներին:

Քչերը գիտեն, որ Հայաստանը քրիստոնեությունը որպես պետական կրոն ընդունած աշխարհում առաջին երկիրն է: Գեղարդի ժայռափոր վանքի քարե առյուծներն ու Սանահինի նրբակերտ խաչքարերը կանգնած են որպես աշխարհի ամենահին, սակայն աշխարհին քիչ հայտնի քաղաքակրթություններից մեկի ստեղծագործ ուժի լուռ վկաներ»,-գրել է ամսագիրը:

«zham.am»