Անդամահատել են հոլիվուդյան աստղերի կրկնորդ Օլիվիա Ջեքսոնի ձեռքը, ով վնասվածք էր ստացել հնարք կատարելիս։ Այս մասին հաղորդում է «Bild» պարբերականը։

«Չարիքի կացարանը» ֆիլմի 7-րդ մասում, որը էկրաններին է բարձրանալու 2017թ., մարտերի և հնարքների տեսարաններում Օլիվիան փոխարինում էր դերասանուհի Միլա Յովովիչին։ Նկարահանումների ընթացքում, մոտոցիկլի վրա հնարք կատարելիս, Օլիվիան թռել է մետաղյա ծանրաձողի վրա։ Կրկնորդը ստացել է վնասվածքներ և կոտրվածքներ։ Աղջիկը մի շարք վիրահատություններ է տարել, իսկ դեկտեմբեր ամսին հայտնի էր դարձել, որ նրան սպասվում է ձախ ձեռքի անդամահատում։

«Ցտեսություն ասենք իմ չորացած ձեռքին և բարի գալուստ մաղթենք իմ պաշտամունքին։ Իմ կյանքը ես այսպես չէի ծրագրել։Ինձ մնում է օգտվել նրանից, ինչ ունեմ և շարժվել միայն առաջ և վեր։ Բարեբախտաբար, իմ թիկունքին մեծ թիմ է կանգնած, որն ինձ աջակցում է»,– գրել է Օլիվիան «Instagram»–ի իր էջում։

7оr.am