ՆԱՏՕ–ն Ռուսաստանի կողմից իրականացրած ագրեսիային արագ արձագանքելու ծրագիր է մշակում։ Այս մասին հաղորդել է ԱՄՆ պետքարտուղարի օգնական Վիկտորյա Նուլանդը։ Նշենք, որ նախօրեին Վարշավայում մեկնարկել է ՆԱՏՕ–ի գագաթաժողովը, որը կտևի մինչև հունիսի 9–ը։

Նուլանդի խոսքերով՝ քննարկվում է ՆԱՏՕ–ի արևելյան սահմաններում ռոտացիոն հիմունքներով զորքերի մշտական ներկայությունը։ Այս նպատակի իրականացման համար, РИА «Новости»–ի փոխանցմամբ, ԱՄՆ–ն առաջարկել է 3,4 միլիարդ ԱՄՆ դոլար հատկացնել։

Իր հերթին ԱՄՆ պաշտպանության նախարարի օգնականի տեղակալ Մայքլ Քարփենթերը կարծիք է հայտնել ԱՄՆ–ի կողմից ՆԱՏՕ–ին աջակցություն ցուցաբերելու վերաբերյալ։ Նա նշել է, որ «Ռուսաստանի համար ավելի լավ նվեր» չի կարող պատկերացնել, բացի այդ, դա կարող է հանգեցնել ԱՄՆ–ի ռազմավարական խոցելիությանը եվրաատլանտյան տարածաշրջանում։

Ավելի վաղ հաղորդվել էր, որ ՌԴ արտաքին գործերի նախարար Սերգեյ Լավրովը հայտարարել է, որ Ռուսաստանը երբեք հարձակում չի գործի ՆԱՏՕ–ի որևէ անդամ–պետության վրա։

7or.am