«Արծվիկ Մինասյանի՝ մենաշնորհներն օրինականացնելու մասին հայտարարությունը բավականին կասկածելի է, այն ինձ որևէ օպտիմիզմ չի ներշնչում»,– այս մասին այսօր, «vesti.am»–ի փոխանցմամբ, լրագրողների հետ հանդիպմանն ասել է «Թրանսփարենսի ինթերնեշնլ» հակակոռուպցիոն կենտրոնի գործադիր տնօրեն Վարուժան Հոկտանյանը:

Երեկ՝ մայիսի 30-ին, ՀՀ էկոնոմիկայի նախարար Արծվիկ Մինասյանը լրագրողների հետ զրույցում հայտարարել էր մենաշնորհներն օրինականացնելու մասին. «Ավելի լավ է՝ դու օրենքով այդ բիզնեսը մենաշնորհային ճանաչես, բայց պայմաններ առաջադրես»,- ասել էր նա: Էկոնոմիկայի նախարարն էլ օրինակ էր բերել Հայաստանում շաքարի մենաշնորհը:

-Նա, իհարկե, նշեց մի ոլորտ՝ շաքարի ներկրման, բայց երբ դու մի փոքր սողանցք ես բացում, կարող է վաղը մյուս օրը այլ ոլորտների մենաշնորհացում հռչակվի: Իսկ դա կարող է շղթայական ռեակցիայի բերել,- նշել է Հոկտանյանը:

Նրա համոզմամբ՝ ամեն ինչ կարող է վերջանալ նրանով, որ խանութները դատարկվեն:

Մանրամասն՝ «vesti.am»–ի տեսանյութում։