Այսօր Թուրքիայի խորհրդարանում քննարկման պետք է դրվեն հայ-թուրքական արձանագրությունները։ «7օր»-ի հետ զրույցում Հիմնարար գիտությունների հայկական կենտրոնի տնօրեն, Հանրային խորհրդի պաշտպանության և ազգային անվտանգության հանձնաժողովի ղեկավար Սիմոն Կամսարականը, գնահատելով իրավիճակը, ասել է, որ Թուրքիայի խորհրդարանը մեծ ուրախությամբ կվավերացնի այս արձանագրությունները։

-Այս նախաձեռնությունը մերը չէ. մեզ  պարտադրվել է, որ մեր ձեռքերով մեր տունը քանդենք, և այն պարտադրվում է Արևմուտքի կողմից, ով արդեն 20 տարի է՝ մեր տունը քանդում է,-նշել է նա։

Ըստ Սիմոն Կամսարականի՝ վերհիշելով 1988թ. երկրաշարժը՝ ինքը եզրակացրել է, որ հենց այդ ժամանակ է սկսել քարուքանդ լինել մեր տունը։

-Նույն ուժերը նորից շարունակում են քանդել այն։ Շարունակում են, որովհետև չենք պատժել, պատասխանատվության չենք կանչել, մենք մեր երկրին տեր չենք կանգնել։ Հիմա ուղղակի պետք է թույլ չտանք, որ հայ-թուրքական այս արձանագրություններին շարունակություն լինի,-նշել է նա։

7or.am