Այսօր ՉԼ կիսաեզրափակչի շրջանակներում կայանալիք պատասխան հանդիպմանը մադրիդյան «Ռեալը» կընդունի անգլիական «Մանչեսթեր Սիթիին»։

«Քաղաքայինների» դաշտում կայացած առաջին հանդիպումը գոլազուրկ ոչ ոքիով էր ավարտվել։ Թեորիապես դա «Մանչեսթեր Սիթիին» ավելի մեծ հնարավորություններ է ընձեռում հանդիպման արդյունավետ խաղաղ ելքի դեպքում։

Առայժմ «Մանչեսթեր Սիթիի» համար ՉԼ կիսաեզրափակչում հայտնվելը նրա լավագույն ձեռքբերումն է ակումբի պատմության մեջ։ Անգլիական ակումբի համար լուրջ կորուստ կլինի վնասվածք ստացած իսպանացի կիսապաշտպան Դավիթ Սիլվայի բացակայությունը։ Հարցականի տակ է նաև խաղադաշտ կիսապաշտպան Յայա Տուրեի դուրս գալը։

«Ռեալը»՝ Զինեդին Զիդանի գլխավորությամբ, տնային մարզադաշտում չի պարտվել վերջին 6 խաղում՝ ընդհանուր 23 գնդակ խփելով և բաց թողնելով մեկը։

Վնասվածք ստանալուց հետո մադրիդցիների կազմ կվերադառնա նաև Քրիշթիանու Ռոնալդուն։ Պորտուգալացի առաջատարն ընթացիկ խաղարկությունում արդեն 16 գնդակ է խփել, իսկ հերթական գոլի դեպքում կկրկնի ՉԼ մեկ մրցաշրջանում խփած գնդակների թվով սահմանած սեփական ռեկորդը։

Խաղերի սկիզբը՝ երևանյան ժամանակով 22:45–ին։