Գերմանիայի առաջնության 32–րդ տուրի շրջանակներում Դորտմունդի «Բորուսիան» կհյուրընկալի «Վոսլֆսբուրգին»։

Ներկա դրությամբ՝ «իշամեղուները» 74 միավորով զբաղեցնում են մրցաշարային աղյուսակի երկրորդ տեղը և ապահովել են Չեմպիոնների լիգայի հաջորդ մրցաշրջանում իրենց մասնակցությունը։ Եվրոպայի լիգայից դուրս մնալուց հետո Հենրիխ Մխիթարյանի թիմը երեք անընդմեջ հաղթանակ է տարել՝ ընդհանուր համագումարում հաղթելով 9:0 հաշվով, և ներկայումս դորտմունդցիները հիանալի մարզավիճակում են։

Բունդեսլիգայում «Վոլֆսբուրգը» զբաղեցնում է 10–րդ հորիզոնականը. ակումբին չի հաջողվում հաղթել մարտի 5–ից։ «Գայլերը» նույնպես դուրս են մնացել ՉԼ–ից՝ զրկվելով եվրագավաթի հաջորդ մրցաշրջանին մասնակցելու վերջին հնարավորությունից։

Հիշեցնենք՝ «Բունդեսլիգայի» առաջին փուլում «Վոլֆսբուրգը» 1:2 հաշվով պարտվել է «Բորուսիային»։

Խաղերի սկիզբը՝ երևանյան ժամանակով 17:30–ին։

7or.am