Մեծ Բրիտանիայում բուժհաստատությունների երիտասարդ աշխատակիցների գործադուլի պատճառով ավելի քան 125 հազ վիրահատություն է հետաձգվել։ Այս մասին գրում է «The Telegraph»–ը։

Նշվում է, որ ապրիլի 26–27–ին Բրիտանական բժշկական ասոցիացիայի երիտասարդ անդամները 48-ժամյա գործադուլ կանցկացնեն։ Այդ օրերի ընթացքում նրանք բժշկական օգնություն չեն ցուցաբերի որևէ հիվանդի, իսկ հիվանդանոցներում նրանց կփոխարինեն տարեց գործընկերները։

Բուժհաստատությունների 38%–ը ստիպված է արտակարգ միջոցառումներ ձեռնարկել հիվանդների կուտակումների կապակցությամբ։

Մեծ Բրիտանիայի առոզջապահության նախարար Ջերեմի Հանթը դիմել է ակցիայի մասնակիցներին՝ խնդրելով վերանայել իրենց որոշումները, քանի որ կատարվածը կարող է վտանգել հիվանդների կյանքը։

Երիտասարդ բժիշկները բողոքում են աշխատանքային և հանգստյան օրերի աշխատավարձերի վճարման համակարգից։

7or.am