24.12.2024 ● 19:59
24.12.2024 ● 18:55
24.12.2024 ● 17:05
24.12.2024 ● 16:42
24.12.2024 ● 15:00
24.12.2024 ● 12:35
24.12.2024 ● 12:00
24.12.2024 ● 11:33
24.12.2024 ● 10:00
24.12.2024 ● 00:25
ԱՄՆ–ը Եգիպտոսի ճգնաժամը հաղթահարելու համար գործողությունների ծրագիր է մշակել
ԱՄՆ փոխնախագահ Ջոզեֆ Բայդենն իր եգիպտացի գործընկեր Օմար Սուլեյմանին իշխանության փոխանցման այսպես կոչված «գործողությունների ծրագիր» է ներկայացրել։ Այս մասին հայտնի է դարձել երկու փոխնախագահների հեռախոսազրույցից։ Ինչպես հայտնում է BBC-ին՝ վկայակոչելով ԱՄՆ նախագահի վարչակազմի մամուլի ծառայությանը, առաջնահերթ գործողությունների ցանկը կազմել է Սպիտակ տունը՝ որպես առաջարկություն Եգիպտոսի հասարակության ժողովրդավարացման ճանապարհին։
Ջոզեֆ Բայդենը Եգիպտոսի փոխնախագահին խորհուրդ է տվել կառավարությունում ընդդիմադիր ուժերին լայն ներկայացվածություն ընձեռել։ Ըստ ամերիկյան ծրագրի՝ այն պետք է նախաձեռնել «անհապաղ և անշրջելի»։
«Գործողությունների ծրագիրը» նաև Եգիպտոսի ներքին գործերի նախարարությանը խորհուրդ է տալիս անմիջապես դադարեցնել լրագրողների և քաղաքական գործիչների ձերբակալություններն ու բռնությունները, քաղաքացիներին հավաքների ազատության և համոզմունքների արտահայտման իրավունք տալ։
Հավելենք նաև, որ այդ հեռախոսազրույցից ժամեր առաջ Օմար Սուլեյմանը ցուցարարներին կոչ էր արել դադարեցնել բողոքի գործողությունները՝ նշելով, որ իշխանություններն այլևս չեն կարող հանդուրժել այդ անկարգությունները, և որ երկրի նախագահ Հոսնի Մուբարաքն էլ չի պատրաստվում հրաժարական տալ ու պաշտոնավարելու է մինչև ժամակետի ավարտը։
Բացի դա, երեկ Եգիպտոսի բանտերից ազատ են արձակվել 34 քաղբանտարկյալներ, և սա երկրի իշխանությունների կողմից բարեփոխումներ իրականցնելու առաջին քայլն է։