«Ժառանգություն» կուսակցության մամուլի խոսնակ Հովսեփ Խուրշուդյանի կարծիքով՝ Աստանայում հնչած հնգակողմ հայտարարությունը չի նվազեցնում պատերազմի վտանգը և չի մերձեցնում երկու երկրներին: Այսօր հրավիրված ասուլիսում նա նշել է նաև, որ դեկտեմբերի 9-ին ՀՀ ԱԺ բոլոր պատգամավորները պետք է միաձայն քվեարկե՛ն ԼՂՀ անկախության ճանաչման օրինագծի օգտին, քանի որ Աստանան ոչինչ չի տվել:

Նույն ասուլիսում ՀՀԿ խմբակցության պատգամավոր Արտակ Դավթյանն էլ ասել է, որ Հայաստանն այժմ բանակցային գործընթացի մեջ է, և դեռևս ԼՂՀ անկախության ճանաչման ժամանակը չէ: ՀՀԿ-ական պատգամավորը կարծում է նաև, որ ԵԱՀԿ գագաթնաժողովից բոլոր սպասելիքները մեծամասամբ իրականություն են դարձել: Ինչ վերաբերում է Հայաստանի և Ադրբեջանի նախագահների չկայացած հանդիպմանը, նա ասել է, թե Իլհամ Ալիևը փախուստի է դիմում, և որ նա չի կարողանում ձերբազատվել դասալքության սինդրոմից:

7or.am