Հարավային Օսիայի նախագահ Լեոնիդ Թիբիլովը հայտարարել է, որ մոտակա ժամանակներս հանրապետությունում հանրաքվե կանցկացվի, որը հնարավորություն կտա երկրի իշխանություններին դիմել պաշտոնական Մոսկվային՝ Ռուսաստանի կազմ մտնելու նախաձեռնությամբ: Այս մասին տեղեկացնում է «Լենտա»-ն՝ «Sputnik»-ին հղումով:

«Մենք քննարկել ենք այդ հարցը Ռուսաստանի նախագահ Վլադիմիր Պուտինի հետ և եկել ենք այն եզրակացության, որ դա Հարավային Օսիայի ներքին հարցն է, որը պետք է ենթարկվի իրավաբանական վերլուծության, և որոշման իրագործման համար անհրաժեշտ է փոփոխություններ կատարել Հարավային Օսիայի Հանրապետության Սահմանադրությունում: Հենց այդ նպատակով էլ նախատեսվում է հանրաքվե անցկացնել», - հայտնել է Թիբիլովը:

Նախագահը նաև հայտել է, որ պատրաստվում է դիմել Ռուսաստանին՝ առաջարկելով միասնական կառույց ստեղծել, ինչը հնարավորություն կտա Մոսկվային խուսափել «քաղաքական ռիսկերից, որոնք կարող են ծագել անմիջական մուտքի պարագայում»:

7or.am